სამუშაო ჯგუფი, ევროკავშირის სადამკვირვებლო მისიის გორის რეგიონალური ოფისის უფროსი ჰანს-ჰეინრიხ შნეიდერის, გორის მერიისა და კულტურისა და ტურიზმის სააგენტოს წარმომადგენლების შემადგენლობით, გორის მერის მოადგილის ეკატერინე სუხიშვილის სამუშაო ოთახში შეიკრიბა.

გორში მინი მოედნების დაზიანებული ინფრასტრუქტურის აღდგენითი სამუშაოები მიმდინარეობს. სამუშაოებს ა(ა)იპ „გორის საფეხბურთო კლუბი“ ახორციელებს. აღნიშნული ორგანიზაცია მინი მოედნების მოვლა-პატრონობასა და გამართულ ფუნქციონირებაზეა პასუხისმგებელი.

მერიის მიერ დაფინანსებული საგანმანათლებლო პროექტი ,,წარმატების სტრატეგია“ დღეს დასრულდა. პროექტის დახურვის ღონისძიება გორის ბავშვთა და ახალგაზრდობის ცენტრში გაიმართა. ღონისძიებაზე ახალგაზრდებმა წარმოადგინეს პროექტის მიმდინარეობის ამსახველი ფოტოკოლაჟი და მადლობა გადაუხადეს გორის მუნიციპალიტეტის მერიასა და პროექტის ავტორს ბადრი ციქუბაძეს პროექტის განხორციელებისთვის.

გულნარა ჩიტაძის 80 წლის იუბილესთან და პედაგოგიური მოღვაწეობიდან 55 წლისთავთან დაკავშირებით, გორის სამხატვრო სკოლაში მისი პირველი პერსონალური გამოფენა გაიხსნა. მსურველებს ნამუშევრების დათვალიერების საშუალება ერთი კვირის განმავლობაში ექნებათ. გორის მუნიციპალიტეტის მერმა გორელ მხატვარს გულნარა ჩიტაძეს 80 წლის იუბილე მიულოცა.

მერეთი - კოშკა - გუგუტიაანთკარის საავტომობილო გზის რეაბილიტაცია ივლისის თვეში დასრულდება. 2 720 მეტრზე ასფალტო - ბეტონის საფარი დაიგება. სამუშაოები უკვე დაწყებულია და მათი მიმდინარეობა გორის მუნიციპალიტეტის მერმა კონსტანტინე თავზარაშვილმა, შიდა ქართლის რწმუნებულ - გუბერნატორმა აკაკი მაჭუტაძემ და საკრებულოს თავმჯდომარემ დავით რაზმაძემ დაათვალიერეს.

გორში ლტოლვილთა და განსახლების სამინისტროს წარმომადგენლებმა საჯარო მოხელეებს, ადგილობრივი საზოგადოებრივი ოგანიზაციებისა და მედია საშუალებების წარმომადგენლებს თავშესაფრის სფეროში არსებული სახელმწიფო პოლიტიკისა და საერთაშორისო დაცვის მქონე პირთა ინტეგრაციის მნიშვნელობის შესახებ გაეცნეს ინფორმაცია. საინფორმაციო შეხვედრა საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტროს და გაერო-ს ლტოლვილთა უმაღლესი კომისრის ოფისის ერთობლივი პროექტის ფარგლებში გაიმართა.

გორის მუნიციპალიტეტის მერის მოადგილე გელა კაპანაძე მერიის წარმომადგენლებთან ერთად ოფიციალური ვიზიტით ლიტვაში იმყოფება. კაუნასის მუნიციპალიტეტში გორის მერიის ოფიციალური ვიზიტი გაცნობითი ხასიათისაა და სამომავლო თანამშრომლობას ისახავს მიზნად. გელა კაპანაძე კაუნასის მუნიციპალიტეტის მერს ვალერიუ მაკუნასს, მის მოადგილეებსა და ადმინისტრაციის ხელმძღვანელს შეხვდა.

გორში 3 მილიონ ლარამდე ღირებულების ინფრასტრუქტურული პროექტები ხორციელდება. ქალაქის მასშტაბით მიმდინარე ინფრასტრუქტურული სამუშაოები შიდა ქართლის წმუნებულ-გუბერნატორმა აკაკი მაჭუტაძემ, გორის მუნიციპალიტეტის მერმა კონსტანტინე თავზარაშვილმა და საკრებულოს თავმჯდომარემ დავით რაზმაძემ დაათვალიერეს.

22 აპრილი დედამიწის დღეა. გორის მუნიციპალიტეტის მერიის ინიციატივით ქალაქსა თუ სოფლებში სხვადასხვა ღონისძიებები გაიმართა. ჩატარდა დასუფთავების აქცია და კამპანიას „დავასუფთაოთ ჩვენი ეზო“ მოსახლეობაც შეუერთდა. დასუფთავების აქცია 12:00 საათზე ყველგან ერთდროულად დაიწყო. ქალაქის მასშტაბით აქცია გაიმართა გორის კულტურის ცენტრის, პირველი მუსიკალური სკოლის, ისტორიულ-ეთნოგრაფიული მუზეუმისა და ბავშვთა და ახალგაზრდობის ცენტრის მიმდებარე ტერიტორიაზე.

22 აპრილი დედამიწის დღეა. გორის მუნიციპალიტეტის მერიის ინიციატივით ქალაქსა თუ სოფლებში სხვადასხვა ღონისძიებები გაიმართა. ჩატარდა დასუფთავების აქცია და კამპანიას „დავასუფთაოთ ჩვენი ეზო“ მოსახლეობაც შეუერთდა. დასუფთავების აქცია 12:00 საათზე ყველგან ერთდროულად დაიწყო. ქალაქის მასშტაბით აქცია გაიმართა გორის კულტურის ცენტრის, პირველი მუსიკალური სკოლის, ისტორიულ-ეთნოგრაფიული მუზეუმისა და ბავშვთა და ახალგაზრდობის ცენტრის მიმდებარე ტერიტორიაზე.

გორის მერის მოადგილემ ეკატერინე სუხიშვილმა ზერტის სკოლის მოსწავლეებთან და პედაგოგებთან ერთად გამწვანების აქციაში მიიღო მონაწილეობა.

გორში ქართული კერამიკის შემსწავლელი კლასი გაიხსნა. დაინტერესებულ ახალგაზრდებს თიხაზე მუშაობას ცნობილი გორელი ოსტატი გიორგი ტატულაშვილი უფასოდ შეასწავლის. კერამიკის სახელოსნო გორის მუნიციპალიტეტის მერმა კონსტანტინე თავზარაშვილმა და მისმა მოადგილემ ეკატერინე სუხიშვილმა მოინახულეს, ოსტატის ნამუშევრები დაათვალიერეს და სასწავლო პროცესსაც დაესწრნენ.