გორის ციხის ინფრასტრუქტურისა და საექსპოზიციო სივრცის პროექტის წარდგენა
გორის მუნიციპალიტეტის მერის სათათბირო ორგანოს - გორის ციხის განვითარების ხელშეწყობის საბჭოს წევრებს კომპანია „ნიუ სითი დეველოფმენთის“ წარმომადგენლებმა გორის ციხის ვიზიტორთა ინფრასტრუქტურისა და საექსპოზიციო სივრცის პროექტი წარუდგინეს.
პროექტს კომპანია USAID-ისა და შპს "დაი გლობალ საქართველოს ფილიალის“ დაკვეთით ახორციელებს.
გორის ციხის ვიზიტორთა ინფრასტრუქტურის, საექსპოზიციო სივრცისა და მედიათეკის მოწყობის მიზანია დაიცვას და წარმოაჩინოს როგორც გორის ციხე, ასევე ქალაქი და ხაზი გაუსვას მის მნიშვნელობას.
პროექტი ხელს შეუწყობს არქეოლოგიური მემკვიდრეობის ამ უნიკალური ძეგლისა და მისი ისტორიულ - გეოგრაფიული, საფორტიფიკაციო - თავდაცვითი და ქალაქთმშენებლობითი როლის ტრადიციული და თანამედროვე მეთოდოლოგიით წარმოჩენას.
