გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06 , 598 26 00 01
11 მაისი, 2023
გორში პირველად, გორის მუნიციპალიტეტის მერია იპოთერაპიის კურს აფინანსებს.
მერიის თანადაფინანსებულ პროექტს „შშმ პირთა სამკურნალო და სპორტულ - განმაჯანსაღებელი საცხენოსნო კლუბი კენტავრი“ ახორციელებს.
პროექტში ჩართულია საჭიროების მქონე შშმ პირები 6 წლიდან ზემოთ. მათი რეაბილიტაცია/აბილიტაცია და სოციალიზაცია საცხენოსნო თერაპიის - იპოთერაპიის გამოყენებით ხორციელდება.
შშმ პირთა და ბავშვთა იპოთერაპია ხელს უწყობს ფსიქოლოგიური ბარიერების დაძლევას, ინტეგრაციას, მოტორიკის განვითარებას, ქცევითი ჩვევებისა და გონებრივი განვითარების ხელშეწყობას.
„შშმ პირთა სამკურნალო და სპორტულ - განმაჯანსაღებელი საცხენოსნო კლუბ კენტავრის“ თანამშრომლები გადამზადდნენ სპეციალისტების მიერ. კლუბს პირადად სტუმრობდნენ აკადემიკოსი, საქართველოს სპორტული მედიცინის ასოციაციის პრეზიდენტი დიმიტრი წვერავა, სპეციალისტები ეკა შეშაბერიძე და მანონი ლორია და „კენტავრის“ წარმომადგენლებს პრაქტიკული რჩევები მისცეს.
თანადაფინანსებული პროექტის მიზანია შშმ პირების რეაბილიტაცია/აბილიტაცია, ფსიქო - ემოციური მდგომარეობის გაუმჯობესება და სოციალური ადაპტაცია იპოთერაპიის საშუალებით, ასევე იპოთერაპიის პოპულარიზაცია და შშმ პირთა საცხენოსნო შეჯიბრებების ორგანიზება.
იპოთერაპიით დაინტერესებულმა პირებმა შეგიძლიათ მიმართოთ საცხენოსნო კლუბ „კენტავრს“.
მისამართი: გორი, ცხინვალის გზატკეცილი, მე - 3 კმ.
ტელეფონი: 577390743
შეხვედრა საქართველოს ეროვნული ოლიმპიური კომიტეტის ორგანიზებით გაიმართა.
სტუმრებმა პატარებს სპორტული ინვენტარი და წიგნები გადასცეს.
კონცეფციის თანახმად, მართვის მუნიციპალური გეგმების მიხედვით მოხდება საძოვრების იდენტიფიცირება, კლასიფიკაცია, ზონირება და სარგებლობის რეჟიმების დადგენა.
კულტურული მემკვიდრეობის ძეგლის მიმდებარედ წარმოდგენილი იყო, ასევე, სკოლების კუთხეები თემით - „ერეკლე და ძველი გორი“, ხელნაკეთი ნივთების გამოფენა - გაყიდვა, რომელშიც მონაწილეობას იღებდნენ ხელოვანები რეგიონის ოთხივე მუნიციპალიტეტიდან.
