გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06 , 598 26 00 01
14 ოქტომბერი, 2024
გორის მთავარ დღესასწაულს ,,გორის დღე 2024“ გორთან დამეგობრებული მუნიციპალიტეტების ოჟიშისა (პოლონეთი) და ბიალისტოკის (პოლონეთი) წარმომადგენლები დაესწრნენ.
ვიზიტის ფარგლებში უცხოელი სტუმრები გორის მუნიციპალიტეტის მერის მოვალეობის შემსრულებელს სიმონ გულედანსა და ადგილობრივი ხელისუფლების წარმომადგენლებს შეხვდნენ. შეხვედრისას მხარეებმა სამომავლო თანამშრომლობაზე ისაუბრეს.
გორის მუნიციპალიტეტის მერიას დამეგობრებულ მუნიციპალიტეტებთან ურთიერთთანამშრომლობის მემორანდუმის ფარგლებში, არაერთი პროექტი აქვს განხორციელებული, მათ შორის კულტურის, სპორტის, გამოცდილების გაზიარების, სკოლამდელი აღზრდისა თუ ახალგაზრდული მიმართულებებით.
საქმიან ვიზიტთან ერთად ოჟიშისა და ბიალისტიკოს დელეგაციებმა მონაწილეობა მიიღეს ,,გორის დღე 2024-ის“ფარგლებში დაგეგმილ ღონისძიებებში, დაათვალიერეს ადგილობრივი მეწარმეების პროდუქცია, გაეცნენ ღვინის წარმოების ტრადიციას, ქართულ სამზარეულოსა და ფოლკლორულ ცეკვებს.
გარდა ამისა, სტუმრებმა გორის მუნიციპალიტეტის პოტენციალის გასაცნობის მიზნით უფლისციხის მუზეუმ-ნაკრძალი დაათვალიერეს და ასევე, გორის ხალხური რეწვის სასწავლო მინი გალერეაში იმყოფებოდნენ , სადაც ფარდაგების ქსოვისა და თექის დამუშავების მასტერკლასები ჩაუტარდათ.
გორის მუნიციპალიტეტის მერია დამეგობრებულ ქალაქებთან თანამშრომლობას მომავალშიც აქტიურად გააგრძელებს.
ბოლო ტურის გადამწყვეტ შეხვედრას გორმა უმასპინძლა და "გორმა" საკუთარ მოედანზე „გარდაბანი“ ანგარიშით - 5:0 დაამარცხა.
სპორტის აღნიშნულ სახეობაში რეგიონალურ შეჯიბრებებში გამარჯვებისთვის გოგონებში გორის მე - 6, ხოლო ვაჟებში გორის მე -5 საჯარო სკოლების გუნდები იბრძოლებენ.
შეზღუდული შესაძლებლობების მქონე პირების საერთაშორისო დღესთან დაკავშირებით მოწყობილ ღონისძიებას ორგანიზაცია „კეთილდღეობისა და განვითარების ცენტრმა“ უმასპინძლა.