12 დეკემბერი, 2022

საგანმანათლებლო პროექტი გორის მერიის დაფინანსებით

პროექტის „ნეოლაბი - ადგილობრივი ახალგაზრდების წარმატების ლაბორატორია გორის მუნიციპალიტეტში" მიზანი ახალგაზრდებისთვის ჟურნალისტურ საქმიანობასთან დაკავშირებული უნარების განვითარება იყო.

მონაწილეებმა უსასყიდლოდ შეისწავლეს ფოტოგადაღება, კამერასთან მუშაობა, ახალი მედიისა და გრაფიკული დიზაინის პრინციპები.

პროექტის ბენეფიციარებს კურსის გავლის დამადასტურებელი სათანადო სერტიფიკატებიც გადაეცათ.

სასწავლო კურსი, რომელიც მოიცავდა როგორც თეორიულ, ასევე პრაქტიკულ ნაწილს, 100 - მდე ახალგაზრდა იყო ჩართული.

ექვსთვიანი პროექტის ფარგლებში ბენეფიციარებს მიღებული ცოდნის რეალიზებაში ყოველკვირეული გადაცემა „ნეოლაბი" ეხმარებოდა. გადაცემის საშუალებით, ახალგაზრდები თანატოლებს გორის მუნიციპალიტეტის მერიის მიერ დაფინანსებულ, მათთვის საჭირო პროექტებსაც აცნობდნენ.