21 მარტი, 2018

''რას ვმატებ საზოგადოებას'' კამპანიას გორის მერია შეუერთდა

გორში, ახალგაზრდობისა და კულტურის ცენტრში, დაუნის სინდრომის მსოფლიო დღესთან დაკავშირებით, ღონისძიება გაიმართა. დაუნის სინდრომის მქონე პატარებმა და ახალგაზრდებმა ერისთავის თეატრის მსახიობებთან და საბავშვო ბაღის აღსაზრდელებთან ერთად წარმოდგენა გამართეს. ღონისძიების მონაწილეები და მაყურებლები შეუერთდნენ მსოფლიო კამპანიას გზავნილით "რას ვმატებ საზოგადოებას" და სიმბოლური ფოტოები გადაიღეს. დღევანდელი წარმოდგენა გორის მერიის, "კეთილდღეობისა და განვითარების ცენტრის",  "გორელ ფოტოგრაფთა კლუბის" და „კულტურისა და ტურიზმის განვითარების ხელშეწყობის სააგენტოს“ ორგანიზებით გაიმართა.

 #რასვმატებსაზოგადოებას #წინდამინდა #გორისმერია