გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
15 მარტი, 2022
გორის მუნიციპალიტეტის მერიის ბავშვთა დაცვისა და მხარდაჭერის განყოფილება საინფორმაციო შეხვედრებს მართავს.
შეხვედრას მუნიციპალიტეტის ადმინისტრაციულ ერთეულებში არსებული საჯარო სკოლების, საბავშვო ბაღების, სამედიცინო დაწესებულებების თანამშრომლები და მერის წარმომადგენლები დაესწრნენ.
ბავშვთა დაცვისა და მხარდაჭერის განყოფილების თანამშრომლებმა ისაუბრეს იმ სერვისებსა და პროგრამებზე, რასაც ბავშვებს სახელმწიფო და მუნიციპალიტეტის მერია სთავაზობს.
შეხვედრაზე საუბარი ასევე შეეხო იმ საკითხებსა და პრობლემებს, რა დროსაც აუცილებელია გორის მერიის ბავშვთა დაცვისა და მხარდაჭერის განყოფილების ინფორმირება.
კოორდინაციისა და ბავშვებში პრობლემების დროულად გამოვლენის მიზნით, მსგავსი სახის საინფორმაციო შეხვედრები, მუნიციპალიტეტის ყველა ადმინისტრაციული ერთეულის წარმომადგენლებთან, ეტაპობრივად გაიმართება.
ბავშვთა დაცვისა და მხარდაჭერის განყოფილება მერიაში უკვე მეორე წელია ფუნქციონირებს და ამ დრომდე არაერთი ოჯახის პრობლემის მოგვარება და ინფორმირება განხორციელდა.
