კარატეს ფედერაციის სამადლობელი გორის მუნიციპალიტეტი მერს
გორის მუნიციპალიტეტის მერს ვლადიმერ ხინჩეგაშვილს კარატეს ფედერაციის პრეზიდენტმა კახა ბასილაიამ, სპორტის ამ სახეობის მხარდაჭერისთვის, მადლობა გადაუხადა.
კარატეს მსოფლიო ფედერაციის სერტიფიკატები შიდა ქართლის კარატის ფედერაციის პრეზიდენტს გელა პავლიაშვილსა და გორელ მსოფლიოს ჩემპიონს დავით ჯაფარიძეს გადაეცათ.
კარატეს ფედერაცია შიდა ქართლში 30 წელია არსებობს და მას გელა პავლიაშვილი წარმატებით უდგას სათავეში.
გორის მერიის სპორტის განვითარებისა და ხელშეწყობის სააგენტოს შემადგენლობაში, შოთა ჩოჩიშვილის სახელობის კომპლექსური სპორტული სკოლის ბაზაზე მოქმედ კარატის სექციაზე რამდენიმე ათეული ახალგაზრდა ვარჯიშობს.
გორის მუნიციპალიტეტის სპორტის განვითარებისა და ხელშეწყობის სააგენტოში, სპორტის ყველა სახეობაზე ვარჯიში უფასოა. სააგენტო, ტრანსპორტით, კვებითა და საჭიროების შემთხვევაში სასტუმროთი უზრუნველყოფს სპორტსმენების მონაწილეობას ჩვენი ქვეყნის მასშტაბით გამართულ შეჯიბრებებზე.
