03 მარტი, 2018

გორის მერმა დედის დღე სამშობიარო სახლებში მყოფ დედებსაც მიულოცა

კონსტანტინე თავზარაშვილი მოადგილესთან, ეკატერინე სუხიშვილთან ერთად ქალაქის სამშობიარო სახლებს სტუმრობდა. მათ ახალშობილების დედებს დედის დღე მიულოცეს და საჩუქრები გადასცეს. გარდა მელოგინეებისა, ხელისუფლების წარმომადგენლებმა თაიგულებით აღნიშნული სამედიცინო დაწესებულებების თანამშრომლებიც დაასაჩუქრეს.

დღევანდელ დღეს ვულოცავ ყველა დედას. ძალიან გახარებული ვარ. დედების უმეტესობამ, ვისაც დღეს საჩუქრები გადავეცი, მესამე შვილი მოავლინა ამ ქვეყანას. ჩვენი ქვეყნისთვის ძალიან დიდი მნიშვნელობა აქვს არა ერთი და ორი, არამედ სამი და უფრო მეტი შვილის გაჩენას." - აღნიშნა გორის მერმა კონსტანტინე თავზარაშვილმა. კონსტანტინე თავზარაშვილმა სამშობიარო სახლებში 19 ახალშობილის დედა დაასაჩუქრა.