გორის მუნიციპალიტეტის მერმა ვლადიმერ ხინჩეგაშვილმა მოსახლეობას ახალი წელი საახალწლო კონცერტზე მიულოცა.
მერთან ერთად, ქალაქის ცენტრალურ მოედანზე შეკრებლ მოსახლობას ახალი წლის შემობრძანება გორისა და ატენის მიტროპოლიტმა მეუფე ანდრიამ, შიდა ქართლის სახელმწიფო რწმუნებულმა ვალერიან მჭედლიძემ და გორის მუნიციპალიტეტის საკრებულოს თავმჯდომარის მოადგილემ თამარ მურალოვამ მიულოცეს.
კონცერტი ცხრა საათზე დაიწყო, რომელშიც ჯგუფი „კანუდოსი“, ტრიო, გორის გოგონათა გუნდი და ადგილობრივი ინდივიდუალური შემსრულებლები იღებდნენ მონაწილეობას.
საახალწლო კონცერტი გრანდიოზული ფოიერვერკით დასრულდა.
