23 მარტი, 2021

დასასვენებელი სივრცეები კიდევ 3 სოფელში მოეწყობა

გასართობი და დასასვენებელი სივრცე გორის მუნიციპალიტეტის კიდევ სამ სოფელში მოეწყობა. გორის მუნიციპალიტეტის სოფლებში ძევერა, შერთული და ტყვიავი სკვერების მოსაწყობად ტენდერი თვის ბოლოს დასრულდება. მოეწყობა დეკორატიული ფილები, დამონტაჟდება სკამები, ნაგვის ურნები, განათება და ატრაქციონები.

გასართობი სივრცეების მოსაწყობად სამივე სოფელში 100 000 ლარზე მეტი დაიხარჯება. ტენდერი მარტის ბოლოს დასრულდება და სკვერების მოწყობა დაიწყება. სამუშაოების დასრულება პროექტის მიხედვით, ერთ თვეშია დაგეგმილი.
გორის მუნიციპალიტეტის მერიამ გასულ წელს 22 სკვერი მოაწყო, რაზეც მილიონ ლარამდე დაიხარჯა.