12 მარტი, 2020

12 მარტიდან გორის მერია დისტანციური მუშაობის რეჟიმზე გადავიდა

საქართველოს პრემიერ მინისტრის რეკომენდაციით, 12 მარტიდან გორის მუნიციპალიტეტის მერია შესაძლებლობის ფარგლებში დისტანციურ შრომის რეჟიმზე გადადის.

აღნიშნული გადაწყვეტილება არ შეამცირებს შრომის ეფექტიანობას. მოქალაქეებს შეუზღუდავად მიეწოდებათ ყველა მუნიციპალური სერვისი.

მიღებული გადაწყვეტილება არ ეხებათ უწყების ხელმძღვანელ პირებსა და იმ თანამშრომლებს, რომელთა დისტანციურ შრომის რეჟიმზე გადასვლა ზიანს მიაყენებს უწყების საქმიანობას. ისინი მუშაობას ჩვეულ რეჟიმში გააგრძელებენ.

საჭიროების შემთხვევაში დისტანციურ შრომის რეჟიმში გადასული თანამშრომელიც გამოცხადდება სამსახურში.

შრომის აღნიშნული რეჟიმი გაგრძელდება ახალი გადაწყვეტილების მიღებამდე.