10 იანვარი, 2020

კირბალი-ბერშუეთის დამაკავშირებელი გზის რეაბილიტაცია

გორის მუნიციპალიტეტის სოფელ კირბალისა და ბერშუეთის დამაკავშირებელი გზის რეაბილიტაციისათვის გორის მერიამ ტენდერი 9 იანვარს გამოაცხადა.

გზის რეაბილიტაციის პროექტის სატენდერო ღირებულება 1 145 066 ლარია. პროექტის ფარგლებში რეაბილიტაცია ჩაუტარდება გზის 2871.34 მეტრიან მონაკვეთს. სარეაბილიტაციო მონაკვეთი კირბალი - ზერტის საავტომობილო გზიდან იწყება და სოფელ ბერშუეთში არსებულ ხიდთან მთავრდება.

კომპანიებს სატენდერო წინადადების წარდგენა 30 იანვარის ჩათვლით შეუძლიათ.