03 იანვარი, 2020

"დედამიწის ზღაპარი" ახალი წლის განწყობისთვის

საახალწლო თეატრალიზებული ღონისძიება „დედამიწის ზღაპარი“ წელს გორის მუნიციპალიტეტში მცხოვრებმა 1800 -მდე ბავშვმა ნახა.

წარმოდგენა 3,4,5 იანვარს კულტურის ცენტრში გაიმართა. ღონისძიების მოსაწვევები გორის მუნიციპალიტეტში მცხოვრებ სოციალურად დაუცველ და დევნილ ოჯახებს დაურიგდათ.

საახალწლო ზღაპარში ახალი წლის ღამეს და-ძმა ვერ არჩევს თუ რომელი ზღაპარი უნდა მოყვნენ, ბაბუა კი შვილიშვილებს „დედამიწის ზღაპარს“ სთავაზობს. ბავშვები მოგზაურობენ სხვადასხვა სამყაროში და ნახულობენ თუ როგორ ხვდებიან ახალ წელს წყალში, ცასა და ტყეში. საახალწლო ზღაპარი გორის მუნიციპალიტეტის მერიის კულტურისა და ტურიზმის განვითარების ხელშეწყობის სააგენტოს ორგანიზებით გაიმართა. გორის მუნიციპალიტეტის მერია კიდევ ერთხელ გილოცავთ ახალ 2020 წელს და ყველა პატარას ოცნებების ასრულებას უსურვებს!