გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
25 დეკემბერი, 2019
სოციალურად დაუცველ, უდედმამო და შეზღუდული შესაძლებლობის მქონე პატარებს გორის მერიამ სიურპრიზი გაუკეთა.
გორის მუნიციპალიტეტის მერის მოადგილე პაატა ივანიშვილი ანიმატორებთან და თოვლის ბაბუასთან ერთად კეთილდღეობისა და განვითარების ცენტრის და საზოგადოება ბილიკის აღსაზრდელებს ესტუმრა.
ზღაპრის გმირებმა პატარების განწყობაზე იზრუნეს, თოვლის ბაბუამ ბავშვებს საჩუქრები გადასცა.
„ჩვენთვის ძალიან მნიშვნელოვანია, რომ დღევანდელი დღის გალამაზება შევძელით. პატარებთან ერთად ახალი წლის მოახლოება ვიზეიმეთ. მერია ყოველთვის ზრუნავს მათ კეთილდღეობაზე. მინდა ყველას მივულოცო შობა - ახალი წელი და ბევრი ბედნიერი და ლამაზი დღე ვუსურვო“- პაატა ივანიშვილი.
პატარების საახალწლო სიურპრიზი გორის მერიის კულტურული ღონისძიებების თანადაფინანსებით პროგრამით დაფინანსდა.
