16 ოქტომბერი, 2019

მერია 100%-იანი გრანტის მქონე სტუდენტებს წელსაც დააჯილდოებს

სტუდენტებს, რომლებმაც მიმდინარე წელს უმაღლეს საგანმანათლებლო დაწესებულებაში ერთიან ეროვნულ გამოცდებში ყველაზე მაღალი რეიტინგის (100% საგრანტო ქულის) საფუძველზე მოიპოვეს სწავლის გაგრძელების უფლება, გორის მერია დააჯილდოებს. მერია წარმატებული სტუდენტების წახალისებას „განათლების ხელშეწყობისა და თანადაფინანსების მუნიციპალური პროგრამის“ ფარგლებში გეგმავს.

ნიჭიერი ახალგაზრდების ხელშეწყობა გორის მუნიციპალიტეტის ერთ-ერთი მთავარი პრიორიტეტია. აღნიშნული ინიციატივა ეხება 2019 წლის სკოლის კურსდამთავრებულების ორ კატეგორიას: 1) გორის მუნიციპალიტეტში რეგისტრირებულ და მუნიციპალიტეტის საჯარო და კერძო სკოლების კურსდამთავრებულებს; 2) გორის მუნიციპალიტეტში რეგისტრირებულ (ბოლო 2 წელი, გაუქმებული ქ. გორის მუნიციპალიტეტისა და გორის მუნიციპალიტეტის თვითმართველი თემის ) იმ ახალგაზრდებს, რომლებსაც მოუწიათ საქართველოს სხვა მუნიციპალიტეტების ზოგადსაგანმანათლებლო დაწესებულებებში სწავლა; დაინტერესებულმა პირებმა გორის მუნიციპალიტეტის მერიაში უნდა წარმოადგინონ:

• განცხადება (განცხადების ფორმა - https://drive.google.com/open?id=1mwWZnadovZe10NWUGyy5yr-HHvioL83S; )

• პირადობის მოწმობის ასლი;

• ცნობა გორის მუნიციპალიტეტში რეგისტრაციის შესახებ სახელმწიფო სერვისების განვითარების სააგენტოდან (რეესტრი);

• სწავლის დამადასტურებელი ცნობა საჯარო ან კერძო სკოლიდან;

• ცნობა სსიპ შეფასებისა და გამოცდების ეროვნული ცენტრიდან 100%-იანი სახელმწიფო სასწავლო გრანტის მოპოვების შესახებ;

• საბანკო ანგარიშის ნომერი. გთხოვთ, დაინტერესებულმა პირებმა მიმართონ გორის მუნიციპალიტეტის მერიას 2019 წლის 17 ოქტომბრიდან – 18 ნოემბრის ჩათვლით. საკონტაქტო პირი: გორის მუნიციპალიტეტის მერიის განათლების განყოფილების ხელმძღვანელი - ნინო ბერიანიძე; ტელ: 599 85 17 47;