13 აპრილი, 2018

საახალწლო კონცერტი ქალაქის ცენტრალურ მოედანზე

გორის მუნიციპალიტეტის მერიის მიერ ორგანიზებული საახალწლო კონცერტი გვიან ღამით დასრულდა. 12 საათზე ახალი წლის დადგომა მოსახლეობას გორის მუნიციპალიტეტის მერმა კონსტანტინე თავზარაშვილმა, შიდა ქართლის რწმუნებულ - გუბერნატორმა კახა სამხარაძემ, საკრებულოს თავმჯდომარემ დავით რაზმაძემ და მამა ღვთისომ მიულოცეს. დაჯილდოვდნენ მერიის მიერ გამოცხადებულ კონკურსში „ყველაზე საახალწლო“ გამარჯვებულები. ბავშვებს ატრაქციონები უფასოდ ემსახურებოდნენ. უფასო მომსახურებას პატარები დღეს 19:00 საათამდე შეძლებენ. ატრაქციონები ქალაქის ცენტრალურ მოედანზე ორ კვირას დარჩება.