ხელისუფლების წარმომადგენლები ასევე დაესწრნენ აგვისტოს ომში დაღუპულთა სულების მოსახსენიებელ პანაშვიდს, რომელიც გორის ღვთისმშობლის შობის საკათედრო ტაძარში მეუფე ანდრიამ გადაიხადა.

რუსეთ-საქართველოს ომის მე-11 წლისთავთან დაკავშირებით დღეს პრემიერ - მინისტრი მამუკა ბახტაძე ცენტრალური ხელისუფლების სხვა წარმომადგენლებთან ერთად გორსა და შინდისში იმყოფებოდა. ისინი ანწუხელიძის ქუჩაზე, ახლადაშენებულ მრავალსართულიან კორპუსებში მცხოვრებ დევნილ მოსახლეობას შეხვდნენ და შინდისის გმირების მემორიალი გვირგვინით შეამკეს.

გარდა ამისა დღეს საღამოს, 21:00 საათზე, სანთლების აქცია გაიმართება აგვისტოს ომში დაღუპულ ჯარისკაცთა მემორიალთან.

2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა