დოკუმენტური ფილმების მინიფესტივალის ფარგლებში დღეს, 31 ივლისს, 19:00 საათზე თომა ჩაგელიშვილის ფილმის „მე არ გადავკვეთე საზღვარი, საზღვარმა გადამკვეთა მე“ ჩვენება გაიმართება. სეანსს ფილმის რეჟისორიც დაესწრება. 

ფესტივალი, რომელიც გუშინ კინორეჟისორ ვახტანგ კუნცევ - გაბაშვილის ფილმით „გამჭვირვალე სამყარო“ გაიხსნა, დღეს 16:00 საათიდან საბავშვო ფილმების ჩვენებით გაგრძელდა.

20:00 საათზე დაგეგმილია ჰოლანდიელი კინოდოკუმენტალისტისა და მონტაჟის რეჟისორის ალბერტ ელინგსის მასტერკლასი. დღესვე 21:00 საათზე, მაყურებელს ფილმის „თბილისიდან ტენესიმდე“ ნახვის საშუალებაც ექნება. ფილმის მთავარი გმირი შოთა ადამაშვილი მაყურებელს წინაშე რამდენიმე მუსიკალურ ნომრითაც წარსდგება.

ფესტივალი, რომელზეც დასწრება თავისუფალია, 2 აგვისტოს ჩათვლით გრძელდება.

ღონისძიებას, რომელსაც გორის მერია აფინანსებს, გიორგი ერისთავის სახელობის სახელმწიფო დრამატული თეატრი მასპინძლობს.

ფესტივალი, რომელიც დატვირთულია სხვადასხვა კულტურული და საგანმანათლებლო აქტივობებით, გორში პირველად ტარდება.