29 ივლისი, 2019

ქუჩების რეაბილიტაციისთვის 3 მილიონ ლარზე მეტი იხარჯება

2019 წელს გორს 3 845 მეტრი რეაბილიტირებული საგზაო ინფრასტრუქტურა შეემატება. ამ ეტაპზე უკვე რეაბილიტირებულია 2 150 გრძივი მეტრი.

დაგეგმილ სამუშაოების ღირებულება ჯამში 3 103 218 ლარს შეადგენს. მიმდინარე წელს ხორციელდება კახნიაშვილის, ბუხაიძის, გორგასლის, შიო მღვიმელის , ყიფიანის (მონაკვეთი ტყვიავის ქუჩიდან ჩრდილოეთის მიმართულებით) ქუთაისის ( ორი მონაკვეთი - სტალინის გამზირიდან გოგებაშვილის ქუჩამდე და აღმაშენებლის გამზირიდან რომელაშვილების ქუჩამდე), გორიჯვრის (დარჩენილი მონაკვეთი), სუხიშვილის ქუჩის პარალელური კვარტალური გზის, მელიქიშვილის ქუჩისა და ჩიხის რეაბილიტაცია. გორის მერია ქალაქში არსებული დაზიანებული საგზაო ინფრასტრუქტურის რეაბილიტაციას ეტაპობრივად ახორციელებს.

უწყება პრიოტეტს იმ ქუჩებს ანიჭებს, რომლების გზის საფარიც მეტად დაზიანებულია.