გორის მუნიციპალიტეტის მერია იწყებს კონკურსს ,,დაგვანახე შენი სოფელი".
კონკურსი მათთვისაა, ვისაც უნდა, რომ თავისი მშობლიური მხარე მსოფლიოს გააცნოს. კონკურსის პირობების თანახმად, ნებისმიერ ადამიანს, ვისაც სურვილი აქვს თავისი ქალაქის, სოფლის თუ დაბის შესახებ საინტერესო ცნობები და ისტორიები გაუზიაროს საზოგადოებას, უნდა გადაიღოს ვიდეო და ატვირთოს ფეისბუქის გვერდზე - ,,დაგვანახე შენი სოფელი".
ვიდეოების ატვირთვა ან გამოგზავნა შესაძლებელია 15 მაისამდე. ვიდეო უნდა იყოს 30 წამიდან 7 წუთამდე.
22 მაისს 6 კაციანი ჟიური გამოავლენს კონკურსის ერთ ფინალისტს შიდა ქართლის ოთხივე მუნიციპალიტეტიდან, რომლებიც დაჯილდოვდებიან Sumsung Galaxy S8-ით. ფეისბუქ რჩეულის 1 ხმა კი გამოავლენს საუკეთესოს, რომლის მიხედვითაც მომზადდება საიმიჯო რგოლი და გავრცელდება ტურისტული სააგენტოების მიერ.
პროექტი ,,დაგვანახე შენი სოფელი" ხორციელდება ა(ა)იპ,,მომავლის სოფლის“ მიერ შიდა ქართლის მუნიციპალიტეტების მხარდაჭერით. კონკურსის იდეის ავტორია გურამ მეგრელიშვილი.
პროექტის მიზანია შიდა ქართლის პოპულარიზაცია და მისი ტურისტული პოტენციალის ზრდა.
