გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
30 მარტი, 2019
„დედამიწის საათი 2019“ ფარგლებში გორში დასუფთავების აქცია და ახალგაზრდებისათვის ფილმის ჩვენება მოეწყო.
გორის მუნიციპალიტეტის მერიის და კავკასიის გარემოსდაცვითი ორგანიზაციის (CEEN-ის) ერთობლივ ღონისძიებებში ახალგაზრდებთან ერთად მონაწილეობა გორის მუნიციპალიტეტის სპორტის განვითარებისა და ხელშეწყობის სააგენტომაც მიიღო.
გორის N1 საჯარო სკოლაში „ლიდერთა ლიგისა“ და სხვადასხვა სკოლის მოსწავლეებისთვის გარემოს დაცვის თემაზე სპეციალურად გადაღებული ფილმის - „გაიგე მეტი ნარჩენების მართვის შესახებ“ ჩვენება გაიმართა, ფილმის დასასრულს დისკუსია და გორის მუნიციპალიტეტის მერის მოადგილესთან, ეკატერინე სუხიშვილთან შეხვედრა გაიმართა.
დღესვე „დედამიწის საათი 2019-ის“ ფარგლებში18:00 საათზე სტალინის მუზეუმის მიმდებარე სკვერში დაგეგმილია გარბენი, 18:30 და 20:00 საათზე ამავე სკვერში გაიმართება კონცერტი და სანთლების დანთების აქცია, 20:30 - დან 21:30 საათამდე ადმინისტრაციულ შენობებში გაითიშება ელ.ენერგია.
