14 მარტი, 2019

პოლონური მხარე გორელ ახალგაზრდებს სტაჟირების პროგრამას სთავაზობს

გორელ ახალგაზრდებს, რომლებმაც უკვე დაამთავრეს კოლეჯი ან პროფესიული სასწავლებელი, პოლონური მხარე სტაჟირების პროგრამაში მონაწილეობას სთავაზობს. მსურველები პოლონეთში კვალიფიკაციის ამაღლების მიზნით 3 – 6 თვიან სასწავლო კურსებს უსასყიდლოდ გაივლიან. აღნიშნული ინფორმაცია გორის მერის მოადგილეს პოლონელ მეწარმეთა ასოციაციის პრეზიდენტმა მირეკ პიასეცკიმ და სამშენებლო ქიმიის “Jurga” – ს დირექტორმა რაფაელ იურგამ გააცნეს.

ეკატერინე სუხიშვილმა პროგრამის განხორციელებისთვის პოლონელ სტუმრებს გორის მერიის სახელით მადლობა გადაუხადა და მხარდაჭერას დაპირდა. სტაჟირების პროგრამაში ჩართვის მსურველმა ახალგაზრდებმა უნდა მიმართონ პოლონურ - ქართული თანამშრომლობის ცენტრს. 

საკონტაქტო ტელეფონი - 555 444 202