07 მარტი, 2019

სასკოლო სპორტული ოლიმპიადის გამარჯვებული მეხუთე სკოლა გახდა

სასკოლო სპორტული ოლიმპიადის ფარგლებში "მხიარული სტარტების" ფინალური ტური გორის სასპორტო სკოლაში გაიმართა. ფინალურ ტურში ერთმანეთს კასპის მუნიციპალიტეტის სოფელ კავთისხევის საჯარო სკოლისა და გორის მეხუთე საჯარო სკოლის მოსწავლეები დაუპირისპირდნენ.

ოლიმპიადა ანგარიშით 40 - 33 გორის მეხუთე საჯარო სკოლის სასარგებლოდ დასრულდა.

ფინალისტები გორის მუნიციპალიტეტის მერის მოადგილემ ეკატერინე სუხიშვილმა და სასკოლო ოლიმპიადის კომიტეტის წევრებმა დააჯილდოეს. გორის მუნიციპალიტეტის მერია ულოცავს გამარჯვებას მეხუთე საჯარო სკოლის მოსწავლეებს და მათ პედაგოგებს.