04 მარტი, 2019

მარათონი ქალბატონების მონაწილეობით

ქალთა კვირეულის ფარგლებში სირბილში მარათონი გაიმართა. თენგიზ ბურჯანაძის სახელობის სტადიონზე 46 მოხალისე 300 მეტრ მანძილზე ასპარეზობდა. ფინიშის ხაზი პირველმა 44 ნომრით მოასპარეზე ინგა გნოლიძემ გადაკვეთა, მეორე და მესამე ადგილები ელენე ბალიაშვილმა და ცირა კოპაძემ გაინაწილეს.

პირველ, მეორე და მესამე ადგილის მფობელებს სიმბოლური თასი და მედლები გადაეცათ, ყველა დანარჩენ მოხალისეს კი მონაწილეობის დამადასტურებელი სერტიფიკატი.

მარათონი გორის მუნიციპალიტეტის მერიის სპორტის განყოფილების ორგანიზებით გაიმათა და მასში მონაწილეობა ყველა მსურველს შეეძლო.

8 მარტის ჩათვლით, გორში ქალბატონების ჩართულობით სხვადასხვა ღონისძიებაა დაგეგმილი.