კონსტანტინე თავზარაშვილი დღეს გორის მუნიციპალიტეტში მცხოვრებ ვეტერანებს გორის მერიის ადმინისტრაციული შენობის სააქტო დარბაზში შეხვდა და დღევანდელი დღე მიულოცა.

შეხვედრის დასრულების შემდეგ, გორის მერმა ადგილობრივი ხელისუფლების წარმომადგენლებმთან ერთად გვირგვინებით შეამკო დიდების მუზეუმთან არსებული სამშობლოსთვის დაღუპულ გმირთა მემორიალი და პატივი მიაგო მათ ხსოვნას.

დღესვე, ვეტერანების მონაწილეობით გაიმართა ფეხბურთის ტურნირიც, სადაც ერთმანეთს გორისა და ხაშურის გუნდები შეხვდნენ.

ვეტერანების საქმეთა სახელმწიფო სამსახურის ინიციატივით 17 ოქტომბერს „ვეტერანების დღე“ 2014 წელს დაარსდა. 1995 წლის 17 ოქტომბერს საქართველოს პარლამენტმა მიიღო კანონი „ომისა და სამხედრო ძალების ვეტერანების შესახებ“.