30 სექტემბერი, 2018

ევროპის კვირეულის ფარგლებში გორში გარბენი გაიმართა

გორის მერიისა და ევროკავშირის სადამკვირვებლო მისის გორის ოფისის ორგანიზებით გამართულ გარბენში 300-მდე ადამიანმა მიიღო მონაწილეობა. მათ შორის იყვნენ ადგილობრივი ხელისუფლების წარმომადგენლები.

გარბენის გამარჯვებული გიორგი ცოტნიაშვილი გახდა. მან პირველმა დაფარა 5 კილომეტრიანი მონაკვეთი . გამოვლინდნენ ასევე, მეორე და მესამე ადგილების მფლობელი მონაწილეები. სამივე გამარჯვებულს საჩუქრად ფულადი თანხა და თასები გადაეცათ.

ღონისძიება, რომელიც ევროპის კვირეულის ფარგლებში ჩატარდა, გენდერული თანასწორობის, ქალების უფლებებისა და მათი უსაფრთხოების უზრუნველყოფას ისახავდა მიზნად.