06 სექტემბერი, 2018

გორის მერიამ ჭრა-კერვა-მოდელირების კურსები დააფინანსა

პროექტის დახურვის ცერემონიალი დემოკრატიული ჩართულობის ცენტრის ახალ ოფისში გაიმართა.

ბენეფიციარებს, სერტიფიკატები გორის მერის მოადგილემ ეკატერინე სუხიშვილმა გადასცა.

ღონისძიებაზე კურსდამთავრებულებმა საკუთარი ნამუშევრებიც წარმოადგინეს.

პროქტი, რომლის 4 ბენეფიციარიც სამსახურით უკვე უზრუნველყოფილია, გორის მერიამ სოციალურად დაუცველი და იძულებით გადაადგილებული პირების დასაქმების მიზნით დააფინანსა.

3 თვიანი, უფასო ჭრა-კერვა-მოდელირების შემსწავლელი კურსის საშუალებით დევნილი და სოციალურად დაუცველი 25 ქალბატონიგადამზადდა.

გორის მერიამ სოციალური პროექტების თანადაფინანსების მუნიციპალური პროგრამის ფარგლებში, 6012 ლარის ღირებულების პროექტი, 4 720 ლარით დააფინანსა.

არასამთავრობო ორგანიზაციამ „ნაბიჯი განვითარებისათვის“ პროექტი „გორში მცხოვრები სოციალურად დაუცველი და იძულებით გადაადგილებული პირების ოჯახების გაძლიერება“, გორის მუნიციპალიტეტის ტერიტორიაზე მცხოვრები სოციალურად დაუცველი (0-დან 100000 ქულამდე) და იძულებით გადაადგილებული პირების დასაქმების ხელშეწყობის მიზნით განახორციელა.