06 სექტემბერი, 2018

ატენის ხეობაში ხანძარი ლიკვიდირებულია

მონიტორინგის მიზნით ხანძრის ადგილზე რამდენიმე სახანძრ-სამაშველო ჯგუფი მთელი ღამის განმავლობაში დარჩება.
წინასწარი მონაცემებით, დამწვარია 8ჰა - მდე ფართობი. ცეცხლი ძირითადად ტყისქვეშა საფარზე გავრცელდა.
ხეობაში ცეცხლის ჩაქრობას საგანგებო სიტუაციების მართვის სამსახურის 50-მდე მეხანძრე-მაშველი ცდილობდა, მობილიზებული იყო სპეც -ტექნიკა. ადგილზე იმყოფებოდნენ გორის მუნიციპალიტეტის მერი კონსტანტინე თავზარაშვილი, შიდა ქართლის რწმუნებული-გუბერნატორი გიორგი ხოჯევანიშვილი, საგანგებო სიტუაციების მართვის სამსახურის სახანძრო - სამაშველო ძალების დეპარტამენტის უფროსი და შინაგან საქმეთა სამინისტროს შიდა ქართლის პოლიციის დეპარტამენტის ხელმძღვანელი.
შინაგან საქმეთა სამინისტრომ გამოძიება ცეცხლთან ან მომეტებული საფრთხის წყაროსთან გაუფრთხილებელი მოპყრობით ნივთის დაზიანების ან განადგურების , საქართველოს სსკ-ს 188-ე მუხლის მე-2 ნაწილით დაიწყო, რაც ორ წლამდე ვადით თავისუფლების აღკვეთას ითვალისწინებს.