გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
14 აგვისტო, 2018
კონფერენციას, სადაც ახალგაზრდული პოლიტიკის განვითარების სტრატეგია განიხილეს, საჯარო მოხელეებთან ერთად დოკუმენტის შემუშავებაში ჩართული საზოგადოებრივი ორგანიზაციების წარმომადგენლები ესწრებოდნენ.
ახალგაზრდული პოლიტიკის 10 წლიანი გეგმა შეიქმნა „სახელმწიფო ახალგაზრდული პოლიტიკის დოკუმენტის“ გათვალისწინებით.
აღნიშნული სტრატეგიული დოკუმენტი, რომლის მიზანიც 14 - დან 29 წლამდე ასაკის ახალგაზრდების განვითარებისთვის სრულფასოვანი გარემოს შექმნაა, დროში გაწერილ პროგრამებს, პროექტებსა და ღონისძიებებს მოიცავს. დოკუმენტის მომზადებისას გათვალისწინებული იქნა ასევე, საერთაშორისო ორგანიზაციის „ევროპის საბჭოს“ რეკომენდაციები.
შეხვედრის დასრულების შემდეგ, გორის მერმა კონფერენციაში მონაწილე ახალგაზრდები და საზოგადოებრივი ორგანიზაციების წარმომადგენლები გორის მუნიციპალიტეტის მერიის ადმინისტრაციულ შენობაში მიიწვია. კონსტანტინე თავზარაშვილმა მათ 2017 – 2018 წლებში გორის მუნიციპალიტეტში ახალგაზრდული პოლიტიკის ხელშეწყობასა და განვითარებაში შეტანილი წვლილისთვის სერტიფიკატები გადასცა და წარმატებები უსურვა.
ღონისძიებები ახალგაზრდობის საერთაშორისო დღესთან დაკავშირებით გაიმართა. მსოფლიო 12 აგვისტოს ახალგაზრდობის საერთაშორისო დღეს 2000 წლიდან აღნიშნავს.
გორის მუნიციპალიტეტის ახალგაზრდული სტრატეგია (სამუშაო ვერსია)
