05 ივლისი, 2018

გორის მერიის დაფინანსებით შშმ პირების ურეკში გაემგზავრნენ

გორის კეთილდღეობისა და განვითარების ცენტრის ბენეფიციარები დაბა ურეკში - მაგნიტურ ქვიშებზე დასასვენებლად გაემგზავრნენ. კეთილდღეობის ცენტრიდან ბავშვები გორის მუნიციპალიტეტის მერმა კონსტანტინე თავზარაშვილმა, მერის მოადგილემ ეკატერინე სუხიშვილმა და სოციალური სამსახურის უფროსმა დავით ჩიხრაძემ გააცილეს.

ბენეფიციართა პირველი ნაკადი (14 ბენეფიციარი ) სასტუმროს ტიპის კომპლექსში 10 დღეს გაატარებს, სასტუმრო სრულადაა აღჭურვილი განსაკუთრებული საჭიროები მქონე პირებისათვის, კვების სრული რაციონითა და სხვადასხვა გასართობი საშუალებებით. გორის მუნიციპალიტეტის მერია ბენეფიციარებს დღის ცენტრის მომსახურებას წლის განმავლობაში 69 400 ლარით უფინანსებს.

რაც შეეხება საზღვაო კურორტზე დასვენებას, ამისათვის დამატებით 6 600 ლარი გამოიყო. ბენეფიციართა მეორე ნაკადი ურეკში მშობოლებთან დ აღსაზრდებელთან ერთად 10 დღის შემდეგ გაემგზავრება. დღესვე, სოფელი სკრის სათემო ორგანიზაცია „ბეთლემის“ დღის ცენტრიდან 23 სოციალურად დაუცველი და დევნილი ბავშვი საზღვაო კურორტ ქობულეთში გორის მერიის დაფინანსებით გაემგზავრა.

მიმდინარე წელს სოციალური პროექტების თანადაფინანსების პროგრამით ჯამში 15 პროექტი ხორციელდება.