18 მაისი, 2018

ევროკავშირის მონიტორებს მედლები გადაეცათ

გორის მუნიციპალიტეტის მერი, შიდა ქართლის რწმუნებულ-გუბერნატორთან და ადგილობრივი ხელისუფლების წარმომადგენლებთან ერთად ევროკავშირის სადამკვირვებლო მისიის 2018 წლის მედლებით დაჯილდოების ცერემონიალს დაესწრო.

ევროკავშირის სადამკვირვებლო მისიის წარმომადგენლებმა გორში ტრადიციული, მედლებით დაჯილდოების ცერემონიალი გამართეს და მონიტორებს გაწეული სამსახურისთვის მედლები და დიპლომები გადასცეს.

ღონისძიებას ევროკავშირის ქვეყნების ელჩები და მისიის ხელმძღვანელები, ადგილობრივი სამთავრობო და არასამთავრობო ორგანიზაციების წარმომადგენლები ესწრებოდნენ.