გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
11 მაისი, 2018
„ჩემი ევროპული თავგადასავალი“ – ასე ერქვა სკაუტების თამაშს, რომლიც „ევროპის დღეები 2018“ - ის ფარგლებში გორში გაიმართა.
ღონისძიებას, რომელშიც მონაწილეობას საჯარო სკოლების მოსწავლეები იღებდნენ, კულტურისა და დასვენების პარკმა „ახალბაღმა“ უმასპინძლა.
პარკის ტერიტორიაზე განლაგებული იყო ე.წ. „სადგურები“, სადაც ბავშვებს შემეცნებითი, საგანმანათლებლო, გასართობი და სხვა სახის დაბრკოლებები უნდა გადაელახათ. კითხვები ევროპასთან და ევროკავშირთან დაკავშირებით ახალგაზრდების ცოდნის გამოვლენას ისახავდა მიზნად.
გამარჯვებისთვის გუნდს ევროკავშირის დროშის გამოსახვისთვის საჭირო ვარსკვლავების სრული რაოდენობა უნდა დაეგროვებინა.
„ევროპული თავგადასავალის“ გამარჯვებული, გორის მე-11 საჯარო სკოლის გუნდი სკაუტების ბანაკში გაემგზავრება.
დაჯილდოებას საქართველოს პარლამენტის წევრები, საქართველოში აკრედიტებული ევროკავშირის წევრი ქვეყნების წარმომადგენლები და ადგილობრივი ხელისუფლების წარმომადგენლები ესწრებოდნენ.
ღონისძიება პარლამენტის ევროპასთან ინტეგრაციის კომიტეტის ინიციატივით, გაეროს განვითარების ფონდის და საქართველოს სკაუტური მოძრაობის (სსმო) ორგანიზებითა და გორის მერიის ხელშეწყობით გაიმართა.
