02 მაისი, 2018

გორიჯვარი

გორის მუნიციპალიტეტის ტერიტორიაზე თრიალეთის მთებსა და მტკვრის სანაპიროზე ამოზიდულია გორიჯვრის მთა, რომელზეც მდებარეობს უძველესი გორიჯვარის ტაძარი. ჩვენს წინაპრებს IV საუკუნის დასაწყისში მთის წვერზე აღუმართავთ ჯვარი, მას შემდეგ ეს ადგილი  იწოდება გორიჯვრად.

ტაძარი წმინდა გიორგის სახელს ატარებს. როგორც გასული საუკუნის ისტორიული მასალებიდან ირკვევა, გორიჯვარზე ორი ეკლესია მდგარა, რომელთაგან ერთი VIII-IX საუკუნეებს განეკუთვნება.

მეორე ეკლესია გვიანი ხანის ნაგებობას წარმოადგენდა. 1920 წლის მიწისძვრამ მთლიანად დაანგრია გორიჯვარიც და მისიშემოგარენიც. 1978-1988 წლებში აღდგა გორიჯვრის ტაძარი.