28 აპრილი, 2018

გორის მერი საფრანგეთის ელჩს შეხვდა

"მე იმედი მაქვს, რომ ჩვენი ურთიერთობა უფრო მეტად გაღრმავდება. ბედნიერი ვარ, რომ განვაახლეთ მეგობრული ურთიერთობა გორის მუნიციპალიტეტთან. კიდევ ერთხელ მადლობას გიხდით განსაკუთრებული მიღებისათვის და საფრანგეთის საელჩოს სახელით, მადლობა მინდა გადაგიხდოთ პოლკოვნიკ დიმიტრი ამილახვარის ბიუსტის მოვლა-პატრონობის გამო." - საფრანგეთის სრულუფლებიანი ელჩსი საქართველოში პასკალ მენიე.

გორის მუნიციპალიტეტის მერი კონსტანტინე თავზარაშვილი საფრანგეთის სრულუფლებიან ელჩს საქართველოში პასკალ მენიეს შეხვდა. შეხვედრა გაცნობითი ხასიათის იყო, დაიგეგმა თანამშრომლობა სხვადასხვა მიმართულებით. შეხვედრაზე განიხილეს ღონისძიების დეტალები, რომელიც საქართველოს დამოუკიდებლობის 100 წლის იუბილეს მიეძღვენება. აღნიშნულ თარიღთან დაკავშრებით, საფრანგეთის უცხოური ლეგიონის ორკესტრი და საელჩოს წარმომადგენლები პატივს მიაგებენ ვიცე-პოლკოვნიკ დიმიტრი ამილახვარის ხსოვნას მის მშობლიურ ქალაქ გორში და გვირგვინით შეამკობენ პოლკოვნიკის სახელობის ბიუსტს.

#საქართველო

#საფრანგეთი