საქართველოს ჭადრაკის ფედერაციამ გორის საჭადრაკო სკოლას ინოვაციური სასწავლო მოწყობილობა — „სენსო რობოტი“ გადასცა.
სიახლეს გორის ჭადრაკის სახლში გორის მუნიციპალიტეტის მერი კონსტანტინე ბუზალაძე კულტურის, განათლების, სპორტისა და ახალგაზრდულ საქმეთა სამსახურის უფროსთან რამაზ შიოშვილთან ერთად გაეცნო. შეხვედრას ასევე ესწრებოდნენ სკოლის აღსაზრდელები და მათი მშობლები.
ინიციატივის მთავარი მიზანია ახალგაზრდებში ჭადრაკისადმი ინტერესის გაზრდა და მოზარდებისთვის თამაშის თანამედროვე, ინოვაციური ფორმით პოპულარიზაცია.
„სენსო რობოტთან“ თამაში ბავშვებში გაზრდის სპორტში ჩართულობას, ხელს შეუწყობს მათი ანალიტიკური უნარების განვითარებას და მოჭადრაკეთა პროფესიულ ზრდას.
