03 თებერვალი, 2026

"სოფლის მხარდაჭერის პროგრამის" ფარგლებში მოსახლეობასთან შეხვედრები გრძელდება

გორის მუნიციპალიტეტში "სოფლის მხარდაჭერის პროგრამის" ფარგლებში მოსახლეობასთან შეხვედრები გრძელდება.

შეხვედრებს გორის მუნიციპალიტეტის მერი კონსტანტინე ბუზალაძე საკრებულოს წევრებთან ერთად ესწრება.

30 სოფელში ადგილობრივებმა 2026 წელს განსახორციელებელი პროექტები ხმათა უმრავლესობით უკვე შეარჩიეს.

პროგრამის ფარგლებში განსახორციელებელ პროექტებს მუნიციპალიტეტის კიდევ 82 დასახლებულ პუნქტში შეარჩევენ.

თითოეულ სოფელში, 10 ათასიდან 20 ათას ლარამდე ღირებულების, მცირე ინფრასტრუქტურული პროექტები დაფინანსდება.

2026 წელს გორის მუნიციპალიტეტისთვის 1 596 000 ლარია გამოყოფილი.

სოფლის მხარდაჭერის პროგრამის ფარგლებში შეხვედრები 19 თებერვლის ჩათვლით გრძელდება.