სააგენტო მოსახლეობას შინაური ცხოველების სტერილიზაციას უფასოდ სთავაზობს
მიუსაფარი შინაური ცხოველების მართვის შიდა ქართლის ინტერმუნიციპალური სააგენტო მოსახლეობას შინაური ცხოველების სტერილიზაციას უფასოდ სთავაზობს.
მომსახურებით სარგებლობა შესაძლებელი იქნება 25 აპრილიდან ყოველი კვირის პარასკევს. მოქალაქე იხდის მხოლოდ ჩიპის თვითღირებულების საფასურს - 19 ლარს. მან თან უნდა იქონიოს პირადობის დამადასტურებელი დოკუმენტი.
აქციის ფარგლებში მოხდება ძაღლის და კატის სტერილიზაცია, ანტირაბიული ვაქცინაცია, ექიმი - ვეტერინარის კონსულტაცია.
აქციის მიზანია სტერილიზაციის მომსახურებაზე ხელმისაწვდომობის ზრდა და ცხოველების რეგისტრაცია.
სააგენტო რეგისტრირებული ცხოველებისა და მათი პატრონების შესახებ მონაცემებს ერთიან ელექტრონულ ბაზაში აღრიცხავს. რეგისტრირებული და იდენტიფიცირებული ცხოველის პოვნის შემთხვევაში, სააგენტო მარტივად ადგენს პატრონის ვინაობას.
