გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
23 აგვისტო, 2024
2024 წლის 24 აგვისტოს გადამფრენ ფრინველებზე ნადირობის სეზონი იხსნება.
სეზონის გახსნის მიუხედავად ტანისა და თეძმის დაცული ტერიტორიების საზღვრებში: ნადირობა, თევზჭერა, შინაური ცხოველის თანხლებით გადაადგილება, ცეცხლსასროლი იარაღით გადაადგილება, ხელნაკეთი მოწყობილობებით ( ე.წ მანოკი) ნადირობა და გადაადგილება აკრძალულია
ფაქტის დაფიქსირების შემთხვევაში კანონდამრღვევი ადმინისტრაციულ სამართალდარღვევათა კოდექსის შესაბამისი მუხლით იქნება დაჯარიმებული.
ასევე მოგიწოდებთ, დაემორჩილოთ დაცული ტერიტორიების თანამშრომლების და რეინჯერთა კანონიერ მოთხოვნებს.
დაუმორჩილებლობის შემთხვევაში გატარდება კანონით განსაზღვრული შესაბამისი ზომები.
დაცული ტერიტორიები წარმოადგენს – ადგილს დადგენილი საზღვრებით, სადაც კანონმდებლობა იცავს სახეობებს, ბუნებრივ რესურსებსა და კულტურულ მემკვიდრეობას.
2023 წლის 1 იანვარს ძალაში შევიდა კანონი ტანისა და თეძმის დაცული ტერიტორიების შექმნის შესახებ, რის შემდეგაც გორის მუნიციპალიტეტის მერია განისაზღვრა ტანისა და თეძმის დაცული ლანდშაფტის მართვის ორგანოდ.
