შეხვედრას ესწრებოდნენ შიდა ქართლის სახელმწიფო რწმუნებული ლევან ხარაბაძე, მისი მოადგილეები, გორის მუნიციპალიტეტის საკრებულოს თავმჯდომარე დავით რაზმაძე, ჩეხეთის განვითარების თანამშრომლობის ხელმძღვანელი ჩეხეთის საელჩოში იანა ზელინგეროვა და სამხარეო ადმინისტრაციისა და ჩეხეთის საელჩოს წარმომადგენლები.

 

შეხვედრაზე ორ ქვეყანას შორის თანამშრომლობასა პერსპექტივები განიხილეს. ადგილობრივი ხელისუფლების წარმომადგენლებმა ჩეხეთის ელჩს შიდა ქართლის რეგიონში არსებული საინვესტიციო, გარემო გააცნეს.

 

ელჩმა კუბერანტმა გამოთქვა თანამშრომლობის მზაობა. მხარეების განცხადებით, ორ ქვეყანას შორის თანამშრომლობის გაღრმავება კიდევ უფრო შეუწყობს ხელს საერთო ინტერესებზე მორგებული ინიციატივების განხორციელებას.

 

შეხვედრაზე მხარეებმა დაცული ტერიტორიების საკითხებიც განიხილეს. ჩეხეთის განვითარების სააგენტო მჭიდროდ თანამშრომლობს დაცული ტერიტორიების სააგენტოსთან.

 

გასულ წელს შიდა ქართლში, 32 850 ჰექტარ ფართობზე, ტანასა და თეძამის დაცული ტერიტორია შეიქმნა, რომლის განვითარებაშიც ჩეხეთის მხარე აქტიურად იქნება ჩართული.