გორის მუნიციპალიტეტის მერმა ვლადიმერ ხინჩეგაშვილმა მუნიციპალიტეტის სოფელ ხიდისთავში გზის სარეაბილიტაციო სამუშაოები დაათვალიერა.
პროექტის მიხედვით ხიდისთავში 1700 მეტრი ასფალტის საფარი დაიგება და მოეწყობა სანიაღვრე არხი.
გზის რეაბილიტაციაზე მილიონ ლარამდე დაიხარჯება, პროექტი რეგიონებში განსახორციელებელი პროექტების ფონდისა და გორის მერიის თანადაფინანსებით ხორციელდება.
საგზაო ინფრასტრუქტურა ხიდისთავის ერთ - ერთ ყველაზე მჭიდროდ დასახლებულ უბანი ამ დრომდე მოსაწესრიგებელი იყო, არ არსებობდა ასფალტის საფარი და სანიაღვრეები, რაც მოსახლეობას და მძღოლებს გადაადგილების პრობლემებს უქმნიდა.
