გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06 , 598 26 00 01
21 ივნისი, 2023
მეჯვრისხევში ამბულატორიის შენობას რეაბილიტაცია ჩაუტარდა.
ოკუპირებული ტერიტორიების მოსაზღვრე სოფელში ახლადრეაბილიტირებული სამედიცინო დაწესებულების გახსნას გორის მუნიციპალიტეტის მერის მოადგილესთან თამაზ შიოშვილთან ერთად, შიდა ქართლში სახელმწიფო რწმუნებულის მოადგილე აბელ აბესაძე, საქართველოს მთავრობის ადმინისტრაციის, შერიგებისა და სამოქალაქო თანასწორობის საკითხებში სახელმწიფო მინისტრის აპარატის, ჯანდაცვის სამინისტროსა და გაეროს განვითარების პროგრამის წარმომადგენლები დაესწრნენ.
პროექტის ფარგლებში, განახლდა სველი წერტილები, ელექტრო და გათბობის სისტემები, შიდა ინტერიერი, მოეწყო პანდუსი და სივრცე შეზღუდული შესაძლებლობის მქონე პირთათვის. ამბულატორია აღიჭურვა ახალი ავეჯითა და პირველადი სამედიცინო ინვენტარით.
სამედიცინო დაწესებულება პირველადი ჯანდაცვის მომსახურებას 6000-ზე მეტ პაციენტს გაუწევს.
სამუშაოები ევროკავშირმა EU4Dialogue პროექტის ფარგლებში დააფინანსა.
პროექტი „EU4Dialogue: კონფლიქტის ტრანსფორმაციის მხარდაჭერა სამხრეთ კავკასიასა და მოლდოვას რესპუბლიკაში“ კონფლიქტით დაზარალებული მოსახლეობის სოციალურ -ეკონომიკური პირობების გაუმჯობესებას ისახავს მიზნად.
ინიციატივა გაეროს განვითარების პროგრამისა და ევროკავშირის თანამშრომლობით ხორციელდება.
აქციის ფარგლებში დაირგო დაახლოებით 150 სხვადასხვა სახეობის ხე-მცენარე, მათ შორის ტუია, კვიპაროსი, იფანი, ნეკერჩხალი და სხვა დეკორატიული ჯიშები. გამწვანების სამუშაოები გორის მერიის კეთილმოწყობის სააგენტოს ორგანიზებით განხორციელდა.
შეჯიბრებაში, ჩვენი ქვეყნის ოცამდე ქალაქის წარმომადგენელი ფალავნები 10 წონით კატეგორიაში იბრძოლებენ მედლების მოსაპოვებლად.
შეჯიბრებაში, რომელშიც 2013 წელს დაბადებული ფეხბურთელებისგან შემდგარი 8 გუნდი მონაწილეობდა, გარდამავალი თასის მფლობელი „თბილისის ლოკომოტივი“ გახდა.