გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06 , 598 26 00 01
02 მაისი, 2023
გორის თეატრში წიგნის „თეატრი გორში“ პრეზენტაცია გაიმართა.
ლაშა ჩხარტიშვილის წიგნი გორის მუნიციპალიტეტის მერიის თანადაფინანსებით დაიბეჭდა და მასში თავმოყრილი ინფორმაცია მოგვითხრობს ქართლში თეატრალური ხელოვნების ისტორიას ანტიკური პერიოდიდან დღემდე.
დამოუკიდებელ საქართველოში ეს არის ქართლის რეგიონში თეატრის ისტორიის შეფასების პირველი ცდა, რაც კიდევ ერთხელ წარმოაჩენს გორის თეატრის მნიშვნელობას.
წიგნის პრეზენტაციას ერისთავის თეატრში საქართველოს კულტურის, სპორტისა და ახალგაზრდობის მინისტრი თეა წულუკიანი და ადგილობრივი ხელისუფლების წარმომადგენლები დაესწრნენ.
წიგნის „თეატრი გორში“ წარდგენის შემდეგ, ერისთავის თეატრში რეჟისორ ნიკოლოზ ჰაინე-შველიძის სპექტაკლის „ქეიფი სოლოლაკში“ ჩვენება გაიმართა.
წარმოდგენა ნიკოლოზ ჰაინე-შველიძემ 1923 წელს განვითარებული მოვლენების მე-100 წლისთავთან დაკავშირებით, ნოდარ მაჭარაშვილის ამავე სახელწოდების მოთხრობის მიხედვით დადგა. სპექტაკლი აღწერს საქართველოს ოკუპაციის შემდგომ პერიოდს და მოგვითხრობს საქართველოს დამოუკიდებლობის კომიტეტის სამხედრო ცენტრის შექმნის ერთ-ერთი ინიციატორის - კოტე აფხაზისა და მისი თანამებრძოლების ბოლშევიკების მიერ დახვრეტის ამბავს.
გორის მუნიციპალიტეტის მერია მჭიდროდ თანამშრომლობს ერისთავის თეატრთან და ყოველთვის მზადაა მხარი დაუჭიროს იმ პროექტებს, რომლებიც გორის თეატრის განვითარებასა და პოპულარიზაციას შეუწყობს ხელს.
შეხვედრა საქართველოს ეროვნული ოლიმპიური კომიტეტის ორგანიზებით გაიმართა.
სტუმრებმა პატარებს სპორტული ინვენტარი და წიგნები გადასცეს.
კონცეფციის თანახმად, მართვის მუნიციპალური გეგმების მიხედვით მოხდება საძოვრების იდენტიფიცირება, კლასიფიკაცია, ზონირება და სარგებლობის რეჟიმების დადგენა.
კულტურული მემკვიდრეობის ძეგლის მიმდებარედ წარმოდგენილი იყო, ასევე, სკოლების კუთხეები თემით - „ერეკლე და ძველი გორი“, ხელნაკეთი ნივთების გამოფენა - გაყიდვა, რომელშიც მონაწილეობას იღებდნენ ხელოვანები რეგიონის ოთხივე მუნიციპალიტეტიდან.
