23 მარტი, 2023

ტანასა და თეძამის დაცულ ტერიტორიაზე, მდინარე ტანას შენაკადები „წითელი ნუსხის“ სახეობის ნაკადულის კალმახის 100 000 ქვირითით დათევზიანდა

ტანასა და თეძამის დაცულ ტერიტორიაზე, მდინარე ტანას შენაკადები „წითელი ნუსხის“ სახეობის ნაკადულის კალმახის 100 000 ქვირითით დათევზიანდა.

აღმოსავლეთ პოპულაციის (მტკვრის აუზი) ნაკადულის კალმახის ქვირითი დაცული პოპულაციის აღდგენის მიზნით გაუშვეს.

დათევზიანების პროცესში სააგენტოს წარმომადგენლებთან ერთად, გორის მუნიციპალიტეტის მერი ვლადიმერ ხინჩეგაშვილი და შიდა ქართლის სახელმწიფო რწმუნებულის პირველი მოადგილე სიმონ გულედანი ჩაერთო.

დათევზიანების აღნიშნული მეთოდი ხელს უწყობს მოწყვლადი სახეობის მომრავლებას.

გარდა დათევზიანებისა, დაცული ტერიტორიების ბიომრავალფეროვნების დაცვა-აღდგენისა და მათი ხელუხლებელ მდგომარეობაში შენარჩუნების მიზნით კიდევ არაერთი მნიშვნელოვანი პროექტი ხორციელდება.

ტანასა და თეძამის დაცული ტერიტორიები 2022 წელს დაარსდა. ტერიტორიები გამოირჩევა ფლორისა და ფაუნის მრავალფეროვნებით, მათ შორის „წითელ ნუსხაში“ შეტანილი სახეობების არსებობით.