გორის მერია ხელს შეუწყობს საჭირო სერვისებზე შშმ პირების ხელმისაწვდომობის ზრდას
"შშმ პირებისთვის სრულყოფილი გარემოს შექმნა ჩვენი პრიორიტეტია. პროგრესის მიუხედავად, გამოწვევები ისევ მრავლადაა.
გარდა, მუნიციპალიტეტის 2023 წლის სამოქმედო გეგმით გათვალისწინებული ღონისძიებების განხორციელებისა, გორის მერია კომპეტენციის ფარგლებში მხარს დაუჭერს ყველა იმ ინიციატივას, რომელიც ხელს შეუწყობს საჭირო სერვისებზე შშმ პირების ხელმისაწვდომობის ზრდას."
- აღნიშნა გორის მუნიციპალიტეტის მერმა ვლადიმერ ხინჩეგაშვილმა შეზღუდული შესაძლებლობის მქონე პირთა საკითხებზე მომუშავე საბჭოს სხდომაზე.
შეხვედრაზე საბჭოს წევრებმა ისაუბრეს შშმ პირებისთვის ადაპტირებული გარემოს შექმნის მიზნით, მუნიციპალიტეტის მიერ დაგეგმილ და განხორციელებულ აქტივობებზე, არსებული გამოწვევებისა და მათი გადაჭრის გზების შესახებ.
