გორის მუნიციპალიტეტის მერმა ვლადიმერ ხინჩეგაშვილმა, შიდა ქართლის სახელმწიფო რწმუნებულის მოადგილესთან თემურ ხუბულურთან და ადგილობრივი ხელისუფლების სხვა წარმომადგენელბთან ერთად, ახლადრეაბილიტირებული სპორტული სივრცე გახსნა.
შესაბამისი ინტერიერის მქონე სპორტულ დარბაზებში გორელი მოზარდები კიკბოქსინგს, მკლავჭიდსა და კრივს შეისწავლიან.
ღონისძიებას სპორტსმენები, მწვრთნელები და ის გორელი ახალგაზრდები ესწრებოდნენ, რომლებიც აღნიშნულ სპორტის სახეობებს ეუფლებიან.
ახლადრეაბილიტირებული დარბაზები (ძირითადი და დამხმარე) კომბინატის დასახლებაში არსებული კულტურის ცენტრის შენობის (მშვიდობის გამზირი #12/ა) აღმოსავლეთ ნაწილშია განთავსებული.
დარბაზებში, ჯერჯერობით, საჭირო სპორტული ინვენტარის ნაწილია წარმოდგენილი. უახლოეს მომავალში იგეგმება აღნიშნული სპორტული სივრცეების ინვენტარით სრულად უზრუნველყოფა.
