გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
07 მარტი, 2023
გორის მუნიციპალიტეტის მერიის „სოციალური თანადაფინანსების პროგრამის“ ფარგლებში პროექტი ხორციელდება, რომელიც გორის მუნიციპალიტეტში მცხოვრებ რთული ქცევის მოზარდებს ფსიქო-სოციალურ მხარდაჭერასა და რეაბილიტაციას სთავაზობს.
გორის მუნიციპალიტეტის მერიის შესაბამისმა სამსახურებმა პროექტი სოციალურ საკითხებზე მომუშავე საზოგადოებრივი ორგანიზაციების წარმომადგენლებს უკვე გააცნეს. პრეზენტაციას სამთავრობო და საგანმანათლებლო უწყებების წარმომადგენლებიც ესწრებოდნენ.
ინიციატივა ითვალისწინებს არასრულწლოვანთა დანაშაულების პრევენციის მიზნით, ადგილობრივი მოსახლეობის ცნობიერების ამაღლებას, საჭირო სერვისების დანერგვასა და მათზე ხელმისაწვდომობის უზრუნველყოფას.
ინიციატივა, რომელსაც გორის მუნიციპალიტეტის მერია ა(ა)იპ „წამების მსხვერპლთა ფსიქო - სოციალური და სამედიცინო რეაბილიტაციის ცენტრთან“ თანამშრომლობით ახორციელებს, ადგილობრივი ბიუჯეტიდან პირველად ფინანსდება.
