გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
14 თებერვალი, 2023
გორში, 9 აპრილის სკვერის რეაბილიტაცია მალე დასრულდება.
პროექტის მიხედვით, მოეწყობა მემორიალი, თუჯის სკამები, ბეტონის ფილები და ბორდიურები.
მემორიალი, რომელის ძირითადი მასალაც ლითონია, ეროვნული დროშის ფერებშია წარმოდგენილი. ლითონის ფურცლებით დაფარული მსუბუქი კონსტრუქცია დამონტაჟებულია მონოლითურ ბეტონის საძირკვლზე. ფირფიტებზე დატანილია 9 აპრილს გარდაცვლილი 21 ადამიანის სახელი და გვარი.
სკვერი, რომელიც გორში სამეფო ქუჩაზე მდებარეობს, რამდენიმე ათეული წლის წინ 1989 წლის 9 აპრილს საქართველოს დამოუკიდებლობის მოთხოვნით მოწყობილი მშვიდობიანი საპროტესტო აქციის დარბევის დროს გარდაცვლილთა ხსოვნის საპატივსაცემოდ მოეწყო.
ობიექტს მსგავსი სახის სარეაბილიტაციო სამუშაოები დღემდე არ ჩასტარებია.
