გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
03 დეკემბერი, 2022
ღონისძიების მონაწილეებმა მოწვეულ სტუმრებს მუსიკალური და სხვადასხვა თემატიკის სასცენო ნომრები წარუდგინეს.
„მოხარული ვარ, რომ ეს მნიშვნელოვანი თარიღი ერთობლივად აღნიშნეს გორის, ქარელის და ხაშურის შშმ აღსაზრდელებმა. დღეს აქ მოსული თითოეული მათგანი ძალიან ბედნიერია. საუკეთესო ნომრები შეასრულეს და მადლობა მინდა გადავუხადო მათ.
დიდი მადლობა მინდა გადავუხადო, ასევე, „კეთილდღეობის და განვითარების ცენტრის“ ხელმძღვანელს და ყველა მასწავლებელს იმ ფასდაუდებელი შრომისათვის, რასაც ეს ადამიანები ყოველდღიურად ასრულებენ. გორის მუნიციპალიტეტის მერიის შესაბამისი სამსახური აქტიურად თანამშრომლობს ცენტრის ხელმძღვანელობასთან ერთად შშმ პირების საჭიროებების გასაუმჯობესებლად.“ - გორის მუნიციპალიტეტის მერიის კულტურის განყოფილების ხემძღვანელი ლელა მაისურაძე.
ღონისძიების დასასრულს, „კეთილდღეობის და განვითარების ცენტრის“ ხელმღვანელს, ქალბატონ თინა ბრეგვაძეს და ქარელის და ხაშურის დღის ცენტრების წარმომადგენლებს, გორის მუნიციპალიტეტის მერიის სახელით, სამადლობელი სიგელები და სიმბოლური საჩუქრები გადაეცათ.
შშმ პირთა საერთაშორისო დღისადმი მიძღვნილი ღონისძიება გორის კულტურის ცენტრში „კეთილდღეობის და განვითარების ცენტრის“ ორგანიზებით და გორის მუნიციპალიტეტის მერიის მხარდაჭერით გაიმართა.
