27 ნოემბერი, 2022

გორში ძიუდოს მსოფლიო ვარსკვლავებმა იასპარეზეს

შეჯიბრება, რომელშიც ევროპის თვრამეტმა (8 -კაცები, 10 ქალები) საუკეთესო კლუბმა იასპარეზა, ლეგენდარული სპორტსმენის შოთა ჩოჩიშვილის სახელს ატარებდა.

პაექრობები გორის სპორტის სასახლეში მიმდინარეობდა.

მამაკაცთა რვა კლუბიდან სამი — ქართული, ორი — ფრანგული, თითო-თითო კი სერბული, ესპანური და ბერძნული იყო.

მამაკაცთა სამი ქართული კლუბიდან, ორმა საპრიზო ადგილი მოიპოვა.

ტურნირის გამარჯვებული თბილისის ,,მებრძოლი“ გახდა, „გოლდენ გორმა“ კი ჩემპიონთა ლიგაზე მესამე საპრიზო ადგილი უკვე მესამედ მოიპოვა.

ქალთა შორის შეჯიბრებაში ჩემპიონი ფრანგული კლუბი „უსოლჟი“ გახდა.

ჩემპიონატი ევროპის ძიუდოს კავშირის, საქართველოს ძიუდოს ფედერაციისა და გორის მუნიციპალიტეტის მერიის ორგანიზებით გაიმართა.